Centro de Congresos e Convencións
O Centro de Congresos e Convencións é un moderno e confortable edificio con capacidade e dotación de servizos para dar cabida ó mesmo tempo a congresos, seminarios, galas e exposicións.
Está construído con materiais cálidos e absorbentes, como moqueta e madeira, e todo o seu espazo de entrada está acristalado e pavimentado con pizarra de O Porriño.
Dispón de espazo de recepción con gardarroupa, aseos e cafetería.
O seu Auditorio (de 1.200 metros cadrados de superficie e capacidade para 624 persoas) está equipado cos máis novidosos servizos audiovisuais.
Conta ademais con outras cinco salas de conferencias que poden dar cabida a entre 40 e 135 congresistas.
Na planta baixa ubícanse tres grandes salas de exposicións (ocupando un total de 2.500 metros cadrados). Están conectadas entre si e posúen entrada directa dende o propio recinto. Para facilitalo seu acceso, o Centro de Congresos dispón de dous ascensores panorámicos.
